अधोलिखितं गद्यांशं पठित्वा तदाधारितप्रश्नानां विकल्पात्मकोत्तरेषु उचिततमम् उत्तरं चित्वा लिखत – भारतदेशस्य उत्तरस्यां दिशि हिमालयो नाम पर्वतरा‍जः वर्तते । अस्य तुङ्गानि शिखराणि सर्वदा हिमेनाच्छादितानि भवन्ति । अयं पर्वतः पूर्वसागरात् पश्चिमसागरपर्यन्तं विस्तृतः । अस्य मेखलासु नानाविधाः ओषधयः प्ररोहन्ति । तासु काचन रात्रौ दीपा इव प्रकाशन्ते । अत्रत्येषु वृक्षेषु शालाः, देवदारवः सुतरामुपयोगिनः । अत्र व्याघ्राः ऋक्षाः, वृकाः स्वच्छन्दं विहरन्ति । अस्मिन्नेव क्षेत्रे कस्तूरीमृगाः विहरन्ति । अस्यैव नाभिमण्डलात् कस्तूरिका जायते । इयं वैद्यैः विविधानां रोगाणां चिकित्सायै प्रयुज्यते । अत्रैव मानसं सरः (मानसरोवरः) अस्ति यत्र हंसाः विहरन्ति । अस्य सरोवरस्य तटे ऋषीणाम् आश्रमाः सन्ति । कस्य उत्तरस्यां दिशि पर्वतराजः वर्तते