अधोलिखितान् श्लोकान् पठित्वा तदाधारितप्रश्नानां विकल्पात्मकोत्तरेषु उचिततमम् उत्तरं चित्वा लिखत । केवलं जलपानेन समये स्याद्यथासुखम् । न तथामृतपानेन व्यतीते समये भवेत् ॥ महान्तं प्राप्य सद्बुद्धिः संत्यजेन्न लघुं जनम् । यत्रास्ति सूचिकाकार्यं कृपाणः किं करिष्यति ॥ भविष्यत्कालकार्येषु सदा व्यग्रोऽस्ति यो जनः । विनष्टं कुरुते तेन वर्तमानस्य जीवनम् ॥ पुरतः पर्वतं वीक्ष्य न चिखेद सरिज्जलम् । पथबाधामचिन्त्यैव याति मार्गान्तरं प्रति ॥ खलानां परपीडायां दृश्यते यावती रुचिः । न तथावश्यके कार्ये स्वकीये वर्तते क्वचित् ॥ खलानां कुत्र रुचिः वर्तते ?